Plattdüütscher Leeswettstriet – Kreisentscheid 2023

An‘n 4. Mai sünd söss Kinner ut de Grundschool in Milm na Hemmoor föhrt. Dor hett an dat Gymnasium Warstood de Kreisentscheid vun den Leeswettstriet stattfunnen. De Kinner, de dor hen kamen sünd, hebbt in ehre Scholen den Leeswettstriet wunnen harrt. Se kemen ut den ganzen Landkreis Cuxhoben. Dor sünd welke ut Laamst, Uthlede, Beers, Ohlenwool un noch ut vele annere Dörpen ween. De Konkurrenz för unse Schöler un Schölerinnen is bannig groot ween. Bi‘t Vörlesen hebbt ok vele Lüüd tohörrt. De Harten vun de Leser kunnst du slagen hören. För de Milmer Kinner is dat besünners swoor ween: Se sünd toeerst an Reeg ween un se hebbt dat bannig good maakt. Blots dree Kinnder ut jeden Johrgang sünd wieterkomen. Vun unsere School hett dat leider keeneen schafft, aver dat is ok nicht schlimm. Spaaß hett dat trotzdem maakt und bannig opreegend is dat ok ween.