Plattdüütsch Leeswettstriet in de Grundschool Milm

Plattdüütsch Leeswettstriet in de Grundschool Milm

In de Grundschool Milm gifft dat jeed Johr en besünnern Oogenblick för de Kinner, de gern op Platt lesen: de plattdüütsche Leeswettstriet! Dit Johr hebbt acht Kinner ut de veerte Klass un fief Kinner ut de drütte Klass doran deelnahmen. Mit veel Freud un en beten Nervosität hebbt se ehr Geschichten vör en Fackjury vörleest. De Jury bestunn ut dree Lüüd von de Plattsnacker ut den Heimatkreis Wremen, de ganz genau tohöört hebbt.

De Lesers mussen nich blots op de richtge Utspraak oppassen, man ok dat Tempo un de Betonung speelten en grote Rull. All Kinner hebbt sik bannig veel Möh geven un all hebbt as Pries en Urkunn un en Büdel kregen, de vun de Sparkasse Weser-Elbe sponsert worrn is. De dree besten Lesers ut en Johrgang hebbt dorto noch en Book op Plattdüütsch kregen. Man dat Beste an de ganze Saak is de Freud an de plattdüütsche Spraak! 

Na de Oosterferien geiht dat vör de twee besten Lesers ut en Johrgang wieter. Se maakt bi den Kreisentscheid am 24. April 2025 in Kumbarg mit. Dat sünd ut de veerte Klass Liam und Tjade un ut de drütte Klass Lotta un Mats.

Hartlichen Glückwunsch an de Winners!

Wi wünscht jo en bannig godet Vörankamen in Kumbarg und drückt jo de Dumen!