Plattdüütscher Leeswettstriet 2023

Düt Johr hett an unse School de plattdüütsche Leeswettstriet stattfunnen. Achtuntwintig Kinner ut de drütten un veerten Klassen hebbt dorbi mitmaakt. Se hebbt fief Geschichten to Utwahl kregen, mussen sik op een fastlegen un dat Lesen bannig veel öven.

Am 23. Mart is denn de grote Dag ween. Se mussen vör en Jury ehr Geschicht vörlesen. Dor keem dat op de Leestechnik, de Betonung un de Utspraak an. De Jury bestünn ut dree Lüüd, de to de „Plattschnacker” vun Heimatkreis in Wremen höört.

De Kinner sünd bannig opreegt ween. Se hebbt goot vörleest, so dat de Jury nipp un nau kieken muss, keen en beten beter leest hett as de annern. Dree Kinner ut de drütten Klassen und dree Kinner ut de veerten Klassen hebbt wunnen.

Wi graleert vun Harten!

Düsse Kinner hebbt as Pries en Urkunn un en Book oder en CD kregen. De Geschenke sünd sponseert worden vun de Elbe-Weser-Sparkass. Ok all de annern Kinner hebbt en lüttjet Geschenk un en Urkunn för dat Mitmaken kregen.

De söss Kinner, de wunnen hebbt, maakt nu bi den neegsten Entscheid mit. Dat is de Kreisentscheid in Hemmoor an 4. Mai 2023. Se mööt nu noch wieter öven und wi drückt jem de Dumen, dat se dor ok wieterkaamt un villicht ok bi den Bezirksentscheid dorbi sünd.

Elke Heimbüchel