De plattdüütsche Leeswettstriet 2021
För den drütten und den veerten Schooljohrgang hett dit Johr im Maimaand en plattdüütschen Leeswettstriet stattfunnen. Dor kunnen all de Schoolen in Neddersassen deelnehmen. Bi uns sponsert dat de Weser-Elbe-Sparkass. Normalerwies mööt der dree besten Leser ut jedeen Johrgang vun en School to’n Kreisentscheid. Wegen Corona is nu allens anners. Dit Johr gifft dat keen Kreisentscheid un so wieter. Dit Johr is ut jedeen Klaas en Klassensieger kürt worrn. Dorto is en Schoolsieger ehrt worden.
Achtteihn Kinner ut de Milmer Grundschool hebbt bi den Leeswettstriet mitmaakt! Se heebt bannig dull övt, een Geschicht op Plattdüütsch fein vörtolesen. Dat is man gor nich so licht, annere Lüüd wat op Plattdüütsch vörtolesen. Se hebbt goot maakt! För de Möh un den Moot hett dat as Prieß för jem en Urkunn und en Quiz geven.
De Klassensieger und de Schoolsieger hebbt dorto ok noch een Book mit plattdüütschen Geschichten kregen. Wi hopt, dat se den Spaaß an dat lesen op Platt bibeholt, und gralert vun Harten!
Bild zur Meldung: Dat sünd de stolten Deerns und Jungs, de wunnen hebbt!
